Фото: из открытых источников
БҒМ жаңа оқу жылынан бастап «Алтын белгі» төсбелгісіне үміткер оқушыларға қойылатын талаптарды қатайтады, деп хабарлайды Daynews.kz.
«Біз жыл сайын ережелерді кезең-кезеңімен қайта қараймыз. Өткен жылы қатаңдату туралы мәселе көтеріліп, бірқатар өзгерістер енгізілді. Биыл екінші кезең. Ол үміткерлердің тек жыл қорытындысы бойынша ғана емес, әр тоқсанда 5 — тен 11-сыныпқа дейін бестік болуы тиіс екенін білдіреді», — деп мәлімдеді білім және ғылым министрі Асхат Аймағамбетов.
Бұған дейін тамыз конференциясында ведомство басшысы мұғалімдер қандай оқулықтар бойынша жұмыс істеуді таңдай алатынын айтқан болатын. Ол сондай-ақ білім және ғылым министрлігі мектеп директорларының жалақысын оқушылар санына байланысты қайта қарайтынын хабарлады.